被麻醉師打咗針後, 半麻醉狀況底下, 可以feel倒生產過程, 但冇痛楚...姑娘係咁握住我隻手同我傾計分散我注意力, 就連個男麻醉師都一齊傾...可能佢地見倒我不停咁流眼淚同好擔心...過咗冇耐, 聽倒醫生話見倒bb個頭, 跟住就睇倒醫生抱住bb背面俾我睇...bb真係好細少, 但佢生命力好強, 唔駛俾醫生拍屁股都自動喊; 我好想睇吓佢同抱住佢, 但佢地報咗時同重量, 就推個溫箱出去俾阿波睇, 跟住叫阿波一齊落去NICU; 後尾我响產後室度停留咗好耐, 因為當時血壓好高, 姑娘要睇住我d血壓去到正常先離開...我一個人係咁等, 當時好攰, 不時有個姑娘走埋嚟好大力噤我個肚, 噤到我喊好痛, 佢閙我"你估我好想噤你架?  要睇吓子宮有冇收縮呀嘛!!"  我都冇氣同佢嘈; 之後聽倒佢同個Trainee講, E個係Scissors, 唔好噤咁大力, 我心諗"頂"...之後, 阿波以為我有事, 勁噤鐘, 後尾姑娘俾佢入嚟, 跟住就推出產後室, 見倒屋企人同好多朋友 同事(多謝你地!!!!!!!!)...但我當時好迷惘, 勁攰, 跟住我就係咁瞓...

瞓到第日朝早, 已經過晒麻醉, 感覺未係最痛; 過多日姑娘要我落床, 果刻真係好痛, 前所未有咁痛(平時都捱得吓痛), 但仲撐得住...我終於响20號坐住輪椅落去NICU見倒我嘅寶貝, 第一眼見倒佢, 覺得佢好細粒, 但好得意, 好想抱住佢...醫生highly recommand我餵人奶, 但我當時真係好迷惘, 唔知有冇架喎, 繼續祈禱, 求天父保守; 果晚即時入PUMP奶房試吓啦...試吓又有DD, 記得第一晚好似有25ML, 真係好少, 但我都好開心同姑娘講我PUMP倒嘞, 姑娘都好鼓勵我, 叫我繼續努力!!  第二日朝早又嚟過, 都係好少, PUMP咗幾支落到去NICU; 我見倒BB用咗協助呼吸嘅儀器, 我忍唔住喊咗出嚟, 但醫生叫我唔駛擔心, 早產嘅BB通常會唔記得透氣, ED只不過係簡唔使用吓, 等佢學習呼吸, 姑娘亦叫我PUMP多D, BB開始飲多架嘞...

跟住每當我有精神力量嘅時候, 就走去駁命咁PUMP, 雖然每次行過去PUMP奶房, 傷口都會痛, PUMP奶果時上面又痛, 但都要堅持...我之後係愈見成果, 好積極咁PUMP...老人家話坐月唔好行咁多, 唔好接觸生水咁多, 我所有都唔理, 果刻只係掛住PUMP奶同睇BB...

我就係咁過咗5日, 醫生要我拆埋線出院, 但我唔想離開, 唯有喊住咁同醫生姑娘講, 叫佢地唔好趕我走, 佢地以為我有產後抑鬱, 俾我留多兩日, 只係兩日...之後就迫住出院, 往後果3個星期, 每天早一次, 晚一次送奶去醫院, 由最初有玲姐陪我的士來回, 過咗幾日, 我開始自己步行來回, 由頭包到落腳來來回回...每日返到屋企自己洗滌消毒所有奶樽, 煲生薑水抺身...我好攰, 而我嘅main supporter阿波放工陪我睇BB, 佢都好攰...而BB由NICU轉去大房之後, 朝早冇得睇B, 淨係送奶&見醫生; 而晚上7點睇B, 八點姑娘餵奶就要走; 阿波嚟到冇得睇B, 只係接我走, 好慘...後尾醫生俾我埋身餵, 我好開心& excited, 就係咁日一次晚一次與BB接觸, 我超開心!!!! 而阿波就等我餵完, 一齊返娘家食飯...我地好唔容易咁捱過差唔多一個月, 12月14號醫生打嚟話可以接BB出院...

特別鳴謝:

全家上下,玲姐,所有支持同鼓勵過我嘅朋友同事及最愛錫我嘅美玲...

待續~

最近有段新聞提到有個孕婦突然需要剖腹產子, 但由於羊水栓塞而不幸摔死, 令我回想自己去年响2008年11月18日嘅情況, 我真係要感恩!!  當日的確係我人生最大嘅一次經歷!!  果日我都仲係返緊工, 都唔記得要返廣華覆珍, 仲以為係星期四, 就係咁, 果晚突然剖腹產子…事原係對上星期一去完私家照ultra-sound, 范醫生話bb個肚圍細咗3週, 肚圍反影bb嘅肝, 叫我去廣華check真d.  跟以往checking相比, 佢e次明顯神色凝重好多, 攪到到睇完之後一路call我同事, 一路咁喊住咁搭車去廣華, 其實果時已經差唔多七點, 都關門啦, 但果刻我思緒好混亂...後尾我返娘家都扮晒鎮定咁講俾我屋企人知, 但講講吓都忍唔住喊咗出嚟...

星期三11月12日, 阿波同我攞埋范醫生封信去廣華, 但姑娘話星期二係睇新症, 叫我地聽日再嚟, 我地唯有第日再去廣華, 姑娘幫我度肚嘅size, 佢話bb又真係好似細咗d喎, 跟住叫我等醫生睇我, 佢跟手收返我張助產仕覆診紙...果刻我已經知道唔對路...佢同我講"你要加油呀!!"(當時我已經有一兩滴眼淚, 但忍住唔喊)  跟住我去見高級顧問醫生, 照咗ultra-sound, 佢話bb係個健康嘅細碼b, 叫我唔駛擔心, 但我話冇理由差咁遠架, 佢話可能唔同醫生度嘅formula都會有所不同, 仲話識范醫生, 問我信唔信佢, 我當然話信啦, 佢係高級顧問醫生唔信佢信邊個?!  但我堅持要入院做checking, 以防萬一!!  我就係咁就入院三日嘞, 都冇諗過咁大鑊, 其間打咗兩支強肺針, 因為check倒bb心跳唔active, 唔pass個test…諗住打完針應該冇事星期五出院, 下星期先覆診, 點知…

星期二11月18日, 果日唔記得覆診, 姑娘打嚟叫我要即刻返嚟照機; 唔知做乜, 果test又唔pass, 姑娘搖極我個肚都係咁, 後尾, 佢話唔好再照嘞, 快d去見咗醫生先…照完ultra-sound之後, 劉醫生同我講, 你要再留院, 你個test又唔pass, 胎水又少咗, 加上bb臍帶纏頸兩圈, 因為你e+嘅情況比上星期差, 所以一定要入院…冇法, 我出去等人領介我入院果時, 我開始喊, 又call同事, 又call阿波, 又call我個妹, 返返之前stay過嘅病房, 見返之前留院果時識嘅院友, 我就忍唔住係咁喊(覺得自己唔爭氣)…我問姑娘可唔可以食飯, 但我食咗兩啖倒, 姑娘就叫停我, 話e+要照機…我一路喊, 一路照機, 後尾細妹嚟到, 見倒我喊到咁, 好驚, 佢聽倒姑娘話冇心跳, 嚇到佢即刻打俾我媽媽, 我就non-stop咁喊…後尾, 劉醫生同我講你今晚可能要開刀攞bb出嚟, 嚇到我唔知點算…因為果刻個test都仲係唔pass…到咗八點零, 佢地就推咗我去待產室, 叫我簽文件, 當時我唔係好肯簽, d姑娘見倒我咁, 即刻叫當值醫生嚟見我…我當時好夠彊, criticize個醫生你憑咩要我今晚開刀呀??  就單單根據個test唔pass就要我開刀? 我仲要求佢要test多次先開刀, 佢就同我講你已經test咗兩三個鐘, 你覺得e+開刀同12點開刀有分別咩, 基本上我係冇得選擇, 唯有任由醫生決定…

待續~

(閱讀全文)

(閱讀全文)

mega tour ~ so boring...

(閱讀全文)

好耐冇寫blog嘞...你地還好嘛??

估唔到相隔冇一年, 同一間公司, 我已剛剛換了新老板, 依家同佢相處咗個幾月, 都覺得佢幾ok!!  好肯俾機會我, 周不時叫我處理以往冇處理過嘅野! 而佢上任後, 我都比以往自動自覺咗d, 加上我地expand緊, 多咗IT, Finance, Engineering同事, 所以都比較忙, 遲d會更忙... 响依間公司, 學咗好多野, 經歷咗一啲以往冇經歷過嘅野, 情緒冇咁波動, 變得比較平靜, 希望冇咩bad news再發生啦?!  但其實我地公司算係唔複雜, 起碼唔會爭權奪利, 明爭暗鬥已經好好彩, 加上咁難得遇上好的老板與同事, 所以暫時都stable, even出面個市幾好都唔諗住lu...

一句到尾, 我會做好依份工!!

(閱讀全文)

(閱讀全文)

(閱讀全文)

(閱讀全文)

(閱讀全文)

這個四月, 真的很充實, 一連串的日台之旅亦已完滿結束, 收拾心情再度投入工作!!  是次台北之旅, 是與友人相識十二年以來首次一起旅行, 所以別具意義!  我們今次参加的是美麗華四天團, 以往曾到此處, 本以為今次來到台北會頗為沉悶, 但今次所遊覽的名勝地點, 是我以往未曾到過, 故此, 感覺良好.  而在我們第二天的自由活動, 亦估不到有意外驚喜...

(閱讀全文)

(閱讀全文)

(閱讀全文)